Ən qoca ağac neçə yaşındadır?
Allah bitkiləri niyə uzun ömürlü yaratmışdır?
Allah bitkilərdə heyrətamiz xüsusiyyətlər və qüsursuz nizam yaratmışdır. Özünəməxsus faydalara və bənzərsiz sistemlərə sahib olan bitkilərin bu günə qədər yalnız 10000 növü tədqiq edilmişdir. Bu tədqiqatlar nəticəsində də hər bir bitkinin möhtəşəm yaradılış xüsusiyyətləri aşkar olunmuşdur. Allahı tanımaq, Onun isimlərinin təcəllisini görmək və Ona yaxınlaşmaq istəyənlər üçün bitkilərdəki, hətta bircə bitki yarpağındakı yaradılış möcüzələrinə baxmaq, onların ehtişamlı dünyalarını daha yaxından öyrənmək çox faydalı olacaq. Bunun sayəsində də əvvəllər yalnız elm adamlarının bildiyi bu həqiqətləri səmimi və diqqətcil insanlar da öyrənə biləcək. İnsanı heyrətə salan və təsəvvür edə bilməyəcəyi qədər uzun ömür sürən ağaclar da Allahın möhtəşəm yaratmasının nümunələrindən biridir.
Dünyanın ən yaşlı ağacları
Bitkilər tənəffüs etdiyimiz təmiz havanın, ehtiyacımız olan qidaların və sərf etdiyimiz enerjinin əsas mənbəyidir. Heyrətamiz mənzərələrin, bihuşedici qoxuların və gözoxşayan rənglərin mənbəyi də bitkilərdir. Beş yüz mindən çox növü olan bitkilər insan həyatında mühüm yer tutur. Bunlar Allahın insana bəxş etdiyi saysız-hesabsız nemətlərdən biridir. İnsanlara min illərdir fayda verən bəzi ağaclar aşağıdakılardır:
Qılçıqlı şam
Kaliforniyada bitən və 4800 il yaşı olan Qılçıqlı şam ağacı dünyanın ən yaşlı ağaclarından biridir. Yavaş böyüyən bu ağacın əsas xüsusiyyəti qətranının çox qatı olmasıdır. Allahın yaratdığı bu müdafiə mexanizmi ağacın uzunömürlü olmasına böyük təsir göstərir. Çünki ağaç bunun sayəsində həşərat və göbələklərdən qorunur.
Əbərkuh sidri
İranın Əbərkuh şəhərində bitən Əbərkuh sidrinin təqribən 4000 il yaşı var. Sidr növündən olan bu ağacın uzunluğu 82 metr, eni isə 59 metrdir.
Allah bu bitkilərin uzunömürlü olmasında bir çox hikmətlər yaratmışdır. Bu hikmətlərdən biri də insanı düşünməyə sövq etməsidir. Ağacları min illərlə yaşadan Rəbbimiz insana təqribən 70-80 illik ömür bəxş edir. Bu, insanın əsil həyatının dünya deyil, axirət olduğunu xatırladır.
Qaraçöhrə
35 milyon ildir mövcud olan bu bitki növü təkamülün olmadığını sübut edir. Bu növün məlum olan ən yaşlı nümayəndəsinin isə 3600 il yaşı var. Şimali Uelsdə bitən bu ağacın gövdəsinin eni 10,75 m-dir. Qaraçöhrənin materialı çox bahalıdır və dam örtüyü üçün istifadə edilir.
Ağaclar Allahın üstün ağlını göstərən dəlillərdən yalnızca biridir. Ağacları da, onları uzunömürlü edən sistemləri də yaradan uca Allahdır.
İnsan bütün yaradılış möcüzələrini görmək üçün səy göstərməlidir. Çünki bunun sayəsində Allahı daha yaxşı tanıyacaq, Onun böyüklüyünü və ucalığını lazımınca təqdir edəcəkdir.
Alerse ağacı
1993-cü ildə And dağlarının ətəyində aşkar edilən bu nəhəng ağacın hündürlüyü 45 metrə çatır. Diametri 3 metrdən çox olan bitkinin gövdəsi hər il cəmi bir millimetr genişlənir. Yarpaqlarını tökməyən bu nəhəng ağacın yaşı 3500 ildir.
Senator
Floridada yerləşən tropik “Big Tree” parkında palmalarla birlikdə həcmi 5100 kub metr olan nəhəng bataqlıq sərvi yetişir. Bu ağac Amerikadakı ən böyük bataqlıq sərvidir. 37 metr hündürlüyü olan ağacın yaşı 3200 ildir.
“Patriarca de Floresta” ağacı (Braziliya ağacı)
3000 il yaşı olan bu ağac 1997-ci ildə baş verən fırtına nəticəsində aşıb.
“Alishan sacred” ağacı
Siciliyadakı Etna vulkanının ətrafında bitən bu ağacın 2 və ya 4 min il yaşı olduğu hesab edilir.
“General Şerman” ağacı
Uzunluğu 82 metr olan bu sekvoya ağacı təxminən 27 mərtəbəli bina boydadır. Gövdəsinin diametri isə 30 metrdən çoxdur. Kaliforniyadakı Sekvoya Milli Parkında olan bu ağacın 2300-2700 il yaşı var. Ağacın odunundan 5 milyard kibrit hazırlamaq mümkündür. Yarpaqları göyümtül-yaşıl rəngdədir. Qızılı-qəhvəyi rəngdə olan qabığının bəzi hissələri 61 sm qalınlığındadır. Ağacın ağırlığı isə 2030 tondur.
“Jomon Sugi” ağacı
Yaponiyada Yakuşima adasının ən yüksək dağının şimal ətəyində bitən bu yapon sidrinin uzunluğu 24 metr, diametri isə 6 metrdir. Ağac halqalarının üzərində aparılan müşahidələr onun 7000 il yaşı olduğunu söyləməyə əsas verir.